my business

Thursday 21 June 2018

BIOGRAFIA SANTU TARCISIO-INSPIRADOR AKOLITUS SIRA


Iha tinan 250 eksistensia relijaun kristao ema bandu iha rai Roma, hanesan mos emperor valerio haruka polisia sira iha Roma atu buka tuir ema sira nebe fiar relijaun kristao no fiar Jesus hodi kaer, baku no oho. Mesmo ema kristao barak mak hetan oho no maibe aluno kristao sira  la tauk  no fiar metin nafatin atu la halo tuir fiar nebe be ala ema roma nian. Ho situasaun ida neé, ema kristaun sira so brani deit halibur malu iha tempo kalan iha katakombe hanesan fatin ida nebe ema haloi mate sira iha rai okos nebe nia modelo hanesan dalan kiik  no naruk husi rate barak iha fatuk kuak ida nia laran. iha fatin neba mak ema kristaun sira komesa halo selebra eukaristia no misa. iha tempo neba, joven kristaun ida ida nebe dadersan deit antes loron matan sae, ho laran kontenti haleu fatin-fatin iha cidade Roma ho lao ain hodi ajuda amo sira selebra eukaristia iha tempo dader.
Santo tarcisio moris iha dia de 15 augusto de 250 iha Roma. Iha tempo ida, santo tarcisio ba ajuda misa no misa ne rasik amo papa mak selebra,  maibe iha misa neé ema oituan deit mak mai, tamba iha loron neé ema kristuan barak mak kaer hosi polisia roma nian. Ema kristaun barak mos halai sai husi cidade roma no buka fatin nebe seguru. Ema sira nebe mak tuir misa mak sira nebe livre husi kapturasaun polisia roma. Depois misa remata, tarcisio la fila uma lai, nia sei ajuda padre hodi aruma sasan sira nebe uja ba selebrasaun misa. Tarcisio rona amo papa ho triste koalia" horseik ema seguransa prisineiro ida mai subar-subar hodi dehan, ita nia maluk sira nebe iha prisao laran hakarak tebes simu hostia jesus futar fuan santo antes ema oho sira. Maibe padre barak mak ema kaer tiha ona, hau labele ba iha neba tamba sira konese ona hau. Tamba neé susar oituan halo tuir sira nia hakarak?".
Depois rona tiha amo nia lian neé, tarcisio ba besik amo papa no dehan: "amo papa, tamba sa mak amo papa la haruka deit hau? hau ema sei la deskunfia ida, "Amo papa dehan ba nia: Labele no, o seik kiik los. Servisu ida neé perigu tebes ba o!" Maibe tarcisiu dehan nafatin ba Amo papa hodi dehan: " maibe dader-dader hau mai misa, hau hare  amo papa deit mak halo misa, hau sei la tauk. sei dader deit no nakukun hela, amo papa hare tarcisio nia badinas ida neé too ikus amo papa halo tuir nia tarcisio nia hakarak hodi dehan: tamba o nia hakarak ami halo tuir deit, maibe kuidadu an!. Amo papa hakneak no hateke ba altar, foti hostia no hatama iha kaixa laran nebe halo husi osan mean. kaixa kiik neé kesi ho tali no tara tarcisio nia kakorok nebe hakneak iha amo papa nia oin.nebe hakneak iha amo papa nia oin. Depois hotu tiha tarcisio taka kedas ho "toga" hanesan simblo ida nebe nia uja no hodi ba.
tarcisio kaer kaixa kiik osan mean ne ho kuidadu iha toga laran atu nuneé labele lakon. Tarcisio nia laran kontenti los,  nia senti kontenti ba fiar nebe amo papa rasik fo ba nian. Iha laran tarcisio reza ba Jesus, nebe nia lori hodi halibur ema priseneiro sira.maibe derepente deit, iha tempo hanesan tarcisio nia colega balun komesa hader no lao halimar. Tarcisio nia kolega ida hakbesik nian no husu: hai tarcisio, nusa mak dader san deit nakdedar deit atu ba nebe? maibe tarcisio nonok deit, nia kolega seluk mai baku tarcisio nia kbas hodi husu tan sa mak o la hanesan loron bain-bain? o iha problema ruma ka?saida mak o lori neé?". tarcisio nia kolega seluk komesa dada ona kaixa kiik neé no hostia sira neé monu ba rai. Nia kolega sira konese sasan hirak neé no dehan: hare, nia lori sasan ema kristao sira nian. tarcisio nia kolega sira komesa hakilar: "o fo mai sasan neé ka asmi baku? tarcisio la koalia lia fuan ruma, no mos la kohi intrega hostia neé. nia la kohi intrega jesus futar fuan santo ba nia kolega sira nebe la fiar maromak. Ho situasaun ida neé halo tarcisio nia kolega sira komesa nervosu hodi tuku, tebe no baku too ran no monu ba rai. Depois hotu tiha tarcisio nia kolega sira halai tiha no husik hela tarcisio iha estrada laran. polisia ida mai hare ida neé no hakbesik ba tarcisio no kolaia ho nia. tarcisio konese polisia ida neé tamba polisia ema kristaun ida.  Ho forca nebe nia iha tarcisio intrega hostia ba polisia ida neé.  Polisia neé lori tarcisio ba ema kristaun sira nebe hela besik no polisia  neé kontinua ba visita prisao sira hodi fo komunga ema prisineiro sira ho subar-subar. la kleur deit tarciso mos mate, tamba kanek nebe nia hetan todan tebes atu kura. tarcisio hakoi iha katakomba , kalixto, dalan apia besik amo papa sira nia hakoi fatin. Tarcisio hanesan joven ida nebe ajuda iha altar no iha tempo nebe ema bolu sira akolitus hanesan joven ida nebe ajuda iha altar no iha tempo nebe ema bolu sira akolitus. Nia ema ida nebe intrega nia via ba jesus kristo nia futar fuan santo. tan neé  santa igreja hili tarcisio sai padruerio ba akolitus sira nebe selebra tinan iha dia 15 de Agusto..





Sunday 20 November 2016

VISITA SANTUARIU FATIMA-PORTUGAL

dia diak de 19.11/2016 ho colega ba halao visita ba Fatima, fatin ida nebe konhecidu iha mondu liu-liu ba sarani katoliku sira. Ami aranka husi Hotel Fundador fatin nebe ami hela ba terminal  bus CONTINENTE kuaze han tempo 20 menutu. Toó iha Terminal bus Continente-Guimaraes ami ba sosa ticket ho folin total ba-mai 36 Euro. Bis neé aranka pass 8.30 no iha bis laran ema ladun barak ida, neé duni ami aproveita tempo hodi uza kadera fatin rua he.he..
Durante tur iha bis nia nia laran, hau aproveita tebes tempo nebe iha hodi hare cidade Guimaraes, Coimbra no cidade seluk nebe ami liu antes too iha Fatima. Cidade sira nebe ami liu mesak furak no matak. Povu portugese sira apreveita tebes sira nia rai hirak neé hodi kuda uvas, batar no ai hun hirak nebe fo vantagem ba meiu abiente ba cidade sira ne;e. Kondisaun rai sira nebe ami liu hanesan oituan ho kondisaun rai iha Timor Leste; foho mak barak rai tetuk oituan maibe cidade sira nebe lokaliza iha fatin hirak neé mesak furak no artistiku cidade modernu nian. depois hare tiha fatin hirak neé ho kolega konversa malu ho lian fuan hanesan neé: maun, ema nia rai neé mesak matak no furak, nusa mak ita rai sira neé mesak maran no barak mak abandona hela? maun mario hatan; portugese sira ukun an kleur ona, ema matenek barak ona, ita nia nasaun foin mak hamrik, ita sei pesiza tempo naruk hodi bele sai hanesan nasaun ida neé. Depois hau hatan, Los duni maun, mais se ita la hahu agora bainhira tan?.............
Koversesaun badak hirak neé hanesan gasta tempo hodi matan labele dukur antes toó iha fatima. Tamba atu toó iha fatima persiza tempo 4 horas nia laran, no iha bis laran mos ema la halo barulhu ida, musik nia nia lian mos neneik los halo fasil ema nia matan dukur lalais..he.he.
Ami too iha Fatima tuku 12.30, la iha tuir guide ami rua mesak oin foun deit, tan neé tun tiha husi bis ami ba dereitamentu visita santuairu Fatima, oin foun matak tomak lao tuir deit ema sira nebe visita fatima he.he.
Antes atu tama iha Santuariu Fatima, uluk nanain ita sei hare uluk lai statua Amo Papa PIO XII nebe hamrik iha oin. Historia kona ba Amo Papa Pio XII maluk sira bele loke iha
iha Santoriu Fatima nia laran, ita bele hare visitante sira husi rai oin-oin, balu tuir misa, balu hasai fotografia, balu tuir reza terso no balu sakrifika nia an ho hakneak haleu capela santuario fatima. Hanesan mos esperiensa nebe hau ho colega hasoru iha fatima, ami rua kosege tuir misa no sunu lilin iha fatin ida ne;e.
      Alende tuir misa, reza terco no halo aktividade seluk, ita mos bele ba visita capela de S.Jose nebe localiza iha santoariu fatima nia laran. iha Capela ida neé ita bele aproveita tempo hodi reza no hare rate Fransisco, Jacinta no Lucia. Francisco nia rate iha liman los no Jacinta ho Lucia iha liman karuk. Jacinta, Lucia no Fransisco hanesan bibi atan nai tolu nebe nossa Senhora apresenta nia an iha dia 13 de outubro 1917.
balu maluk sira mak hakarak reza ho cilensiu bele mai visita iha loron kalan, tamba iha loron dader ho loraik ema barak mak visita fatin sagrado hirak neé, nebe susar atu reza ho hakmatek. 
iha fatima mos, alende hatoó ita nia reza no intensaun privadu seluk iha na maromak nia oin, ita mos sente kontente ho fuan haktmatek fo agredese ba nain maromak liu-liu ba nossa senhora nebe apresenta nia an iha rai fatima. Lontenti no fuan hakmatek laos deit bele mai visita iha fatin ida neé maibe buat bot liu hotu mak rekohese ita nia sala no husu perdua ba nain maromak liu husi jesus nia terus no nossa senhora nia domin.
Santuario Fatima

Horariu Santuario Fatima

situasaun iha igreja laran
rate Jacinta no Lucia iha capela S.Jose

Rate Francisco iha Capela s.Jose

iha Santuario laran